Бүген, 15 ноябрьдә, Татарстанда болытлы һава торышы көтелә. Төнлә яңгыр һәм юеш кар явачак, көндез кайбер районнарда бераз явым-төшем булырга мөмкин. Бу хакта Татарстан Гидрометеорология үзәге хәбәр итә.
Җил көньяк-көнбатыштан, төньяк-көнбатышка таба юнәлешен үзгәртеп, секундына 7–12 метр тизлектә исәчәк. Төнлә урыны белән җилнең тизлеге 15–20 метрга кадәр җитәргә мөмкин. Төнлә һава температурасы −1 градустан +3 градуска кадәр, көндез +1..+5 градус булачак. Төнге сәгатьләрдә юлларның аерым участокларында бозлавык барлыкка килергә мөмкин.
Нет комментариев