Авылларыбызның ямьле җәе!

Торнаташ авылында кичке уеннар: традицияләрне торгызу

Торнаташ авылында (Иске Абдул авыл җирлеге) «Кичке уеннар» бәйрәме үткәрелде, ул күңел һәм халык традицияләренең чын тантанасына әверелде. Көндәлек мәшәкатьләрдән соң, халык үзәк мәйданчыкка җыелды. Моңлы гармун тавышы якты сагыну атмосферасы тудырды. Оештыручылар борынгы «Йөзек салыш», «Йолдыз санаш» һәм башка уеннарны яңадан тормышка кайтарды.

Кунаклар алдында «Асыльяр» фольклор коллективы, гармунчы Мирзаһит абый, шушы авылды туып үскән Кифая апа, үзешчән артистлар Фәридә апа һәм Лилия апа, шулай ук яшь җырчы Илдан чыгыш ясады.

Сәламләү сүзе белән авыл җирлеге башлыгы Резеда Сафина мөрәҗәгать итте. Авыл халкы чын күңелдән ял итте, күңел ачты, ата-бабаларыбызны, изге гореф-гадәтләрне искә төшерде.

Иштирәктә Алма Спасы

Иштирәк авылында «Татарстанда җәй» проекты кысаларында «Алма спасы – алма запасы» дигән күңелле бәйрәм узды. Кунакларны бай программа белән каршы алдылар: иҗади мастер-класслар, балалар һәм өлкәннәр өчен конкурслар, спорт ярышлары һәм, әлбәттә инде, юмарт сый. Авыл халкы «Мирас» ансамбле чыгышын карый алды.  Район башлыгы урынбасары Рөстәм Закиров авыл үсешенә өлеш керткән иң актив кешеләргә Рәхмәт хатлары тапшырды.

Кече Шилнәдә ишегалды бәйрәме

Кече Шилнә авылында матур ишегалды бәйрәме узды. Авыл халкы зур кызыксыну белән кул эшләнмәләре ярминкәсендә, мастер-классларда катнаша алды. Татарстанның атказанган артисты Илнур Гомәров, атказанган мәдәният хезмәткәрләре Надежда һәм Владимир Подьячевлар, «Сударушка» фольклор ансамбле һәм Ильбухтадан килгән кунаклар алдында чыгыш ясады.  Җирлек башлыгы Гадел Даутов җирле активистларга Рәхмәт хатлары тапшырды.

Бай Бүләктә «Кичке уен»

Яңа Бүләк авыл җирлегенең Бай Бүләк авылында хөрмәтле Павловлар гаиләсе ишегалдында узган «Кичке уен» аеруча җылы узды. Аларның талантлы кызы Амелия Павлованың «Бай Бүләкем» җырын башкаруы кичәнең бизәге булды. Концертта шулай ук Айсылу һәм Әдилә Ишалиннар, Кифая Вәлиева һәм күрше авыллардан гармунчылар катнашты. Кунаклар, чын-чынлап өй атмосферасында телеңне йотарлык коймак һәм самоварда кайнатылган хуш исле чәй белән сыйланды.