Волейбол буенча чемпионат үтә

1 ноябрьдән 25енә кадәр муниципаль район кубогына авыл җирлекләре, оешма һәм предприятиеләр арасында волейбол буенча чемпионат үткәрелә. Чара Сосновый Борның "Яшьлек" спортзалында үтә. Ярышларда катнашу өчен җитәкче һәм табиб имзасы куелган заявкалар 1 ноябрь көнне 14 сәгатьтә район яшьләр эшләре, спорт һәм туризм бүлегендә 107нче кабинетта үтәчәк команда вәкилләре катнашындагы киңәшмәдә кабул ителә. Финал ярышларында призлы урыннарны алган командалар грамоталар белән, чемпион команда кубок белән бүләкләнәчәк.