Мини-футбол буенча Круглое Поле поселогы спортчыларына тиңнәр булмады

Круглое Поле поселогының спорт мәйданчыгында муниципаль район Кубогына мини-футбол буенча уеннар үтте. Ярышларга 5 авыл җирлегеннән (Круглое Поле поселогы, Биклән, Мәләкәс, Теләнче Тамак, Мусабай-Завод) һәм «Кама-Бекон», «Чаллы-Брой­лер», «Тукай җылылык һәм газ» оешмаларыннан спортчылар килгән иде. Мини-футбол уены бик мавыктыргыч узды. I урынны Круглое Поле поселогы спортчылары яулады, II урында - «Кама-Бекон» җәмгыяте командасы. III урынга Биклән авылы спортчылары лаек булды, дип хәбәр иттеләр район яшьләр эшләре, спорт һәм туризм бүлегеннән.