Круглое Поле поселогында хоккей буенча Яна ел турнирының финал уены узды

Бүген Круглое Поле поселогында хоккей буенча Яңа ел турнирының финал уены узды. Биредә зональ этапта җиңгән иң көчле командалар ярышты: Яңа, Круглое Поле поселоклары һәм Түбән Суыксу, Иске Абдул авыллары командалары.

Уен нәтиҗәләре буенча беренчелекне Яңа поселогы командасы яулады, икенче урында - Круглое Поле поселогы, өченче урын - Иске Абдул авылы командасында. Җиңүчеләр кубок, грамота, медаль һәм сертификатлар белән бүләкләнделәр, дип хәбәр итә районның яшьләр эшләре, спорт һәм туризм бүлеге.