Каратэдан дөнья чемпионнары безнең районда яши

16 май көнне Рига шәһәрендә каратэ буенча X Дөнья Чемпионаты уздырылды. Ярышларга барысы бергә 21 илдән спортчылар җыелган иде. Россия җыелма командасы составында Яр Чаллы шәһәреннән һәм Тукай районыннан спортчылар көч сынашты. Тукайлылар Эльвина Хәбибуллина белән Руслан Чекушков дөнья чемпионнары исемнәрен алдылар. Эльвина каратэның кумитэ, Руслан 10-11 яшьлек балалар арасында шулай ук кумитэ төрендә беренчелек яуладылар. Шуның өстенә Руслан Чекушковның ката төрендә дә көмеш призер исеме алуы сөенечле хәбәр. Спортчыларның тренеры - Владимир Заикин.