Бильярд буенча көчлеләр билгеләнде

Калмия авылының мәдәният йортында «Ирекле пирамида» исеме астында бильярд уены буенча ачык турнир үтте. Ярышларда Иске Абдул, Боерган, Күзкәй, Калмия авылларының яшьләре актив катнашты.

Нәтиҗәдә беренче урынны Калмиядән Азат Әгълиев яулап алды. Икенче урында шулай ук Калмиядән Александр Фролов калды. Өченче урын исә Боерган авылыннан килгән Карэн Погасянга бирелде. Барлык җиңүчеләргә дә грамоталар, медальләр тапшырылды, дип хәбәр итте безгә Калмия авылының мәдәният йорты директоры Ләйсирә Сәхибҗанова.