Татарстанда шәхси клиникаларда ОМС буенча бушлай медицина ярдәме алу тәртибе

Күпләр шәхси клиникаларга бары тик акча түләп кенә кереп була дип уйлый. Ләкин бу алай түгел. Юрист Александр Хаминский «Прайм» агентлыгына биргән интервьюсында ОМС полисы буенча шәхси үзәкләрдә бушлай дәвалану серләре белән уртаклашты.

1. Полис бөтен ил буенча гамәлдә

Сезнең полис кайда гына бирелсә дә, ул Россиянең теләсә кайсы почмагында көчкә ия. Әгәр шәхси клиника дәүләтнең бушлай медицина ярдәме күрсәтү программасында катнаша икән, ул сезне кабул итәргә бурычлы. Мондый оешмалар үз хезмәтләре өчен акчаны пациенттан түгел, ә ОМС фондыннан ала.

2. Клиниканың системада булуын ничек тикшерергә?

Шәхси шифаханәләр әлеге системада 2010 елдан бирле эшли, ләкин аларның исемлеге ел саен үзгәреп тора ала. Төгәл мәгълүматны ике юл белән белеп була:

• Мәҗбүри медицина иминияте территориаль фондының (ТФОМС) рәсми сайтында;

• Клиниканың үзендәге мәгълүмат стенды аша.

Мөһим кагыйдә: Әгәр клиника ОМС реестрына кертелгән икән, аның полис буенча ярдәм күрсәтүдән баш тартырга хокукы юк.

3. Бушлай теш дәвалау яки терапевт кабул итүе

Шәхси клиникада бушлай хезмәт алуның үз шарты бар: сез шул медицина оешмасына беркетелгән (прикрепление) булырга тиешсез. Бу процедура сезгә дәүләтнеке белән беррәттән шәхси үзәк хезмәтләреннән дә файдаланырга юл ача.

Белешмә: Хәзерге вакытта Татарстанда медицина хезмәтләренең сыйфатын һәм кулайлыгын арттыру максатыннан «Һәр кешегә сәламәтлек» төбәк проекты актив гамәлгә ашырыла.