«Зәңгәр вагон» балалар бакчасы Чаллыдагы республика киңәшмәсендә үз проектын тәкъдим итте

Шушы көннәрдә Яр Чаллы шәһәрендә «Татарстан Республикасында мәктәпкәчә белемнең ачыклыгы: проблемалар һәм чишелешләр» темасына багышланган очрашу узды. Чара кысаларында оештырылган күргәзмәдә катнашучыларның һәм кунакларның игътибарын «Зәңгәр вагон» («Голубой вагон») балалар бакчасы җәлеп итте. Бакча педагоглары үз тармагындагы алдынгы эшкәртмәләрен һәм нәтиҗәле методикаларын югары дәрәҗәдә күрсәттеләр.

Күргәзмә кунакларына Халыклар бердәмлеге елына багышланган «Времён связующая нить» («Вакытларны бәйләүче җеп») проекты тәкъдим ителде. «Зәңгәр вагон» белгечләре хезмәттәшләрен балаларга традицион кыйммәтләрне һәм мәдәни мирасны җиткерүнең заманча ысуллары белән таныштырдылар. Мәктәпкәчә белем бирү өлкәсе хезмәткәрләре әлеге проектның актуальлеген һәм инновацион алымнарын югары бәяләделәр.

Шулай ук әлеге тантаналы киңәшмәдә күпьеллык нәтиҗәле хезмәте һәм педагогларга ярдәм иткәне өчен мәктәпкәчә белем бирү бүлеге җитәкчесе Алия Вәлиева Татарстан Республикасы Мәгариф һәм фән министрлыгының Рәхмәт хаты белән бүләкләнде. Чара ахырында белгечләр яңа уку елына бурычларны билгеләделәр.

Фотолар: район мәгариф идарәсе