Мәктәпләрдә контроль эшләр саны чикләнде
Россия Мәгариф министрлыгы мәктәпләрдә үткәрелә торган контроль эшләрнең максималь күләмен билгеләде: алар уку вакытының 10 процентыннан артмаска тиеш. Бу хакта РФ мәгариф министры урынбасары Ольга Колударова белдерде, дип хәбәр итә «ТАСС».
Әлеге үзгәрешләр министрлыкның 704, 729 һәм 808 номерлы боерыклары белән расланган. Документларда фән өлкәләре төгәлләштерелгән, контроль эшләр санына чик кертелгән, шулай ук уку программаларын үзләштерүнең предмет һәм метапредмет нәтиҗәләренә карата таләпләр билгеләнгән.
Моннан тыш, кайбер фәннәр буенча бердәм дәрес планлаштыруы гамәлгә кертелгән һәм өй эшенең күләме дә көйләнгән.
Колударова билгеләп үткәнчә, укытучыларның эшен җиңеләйтү максатыннан «гомуми белем бирүнең бердәм эчтәлеге» порталында эш программалары, уку планнары, төп белем бирү программалары төзү өчен конструкторлар, шулай ук норматив документлар һәм методик тәкъдимнәр урнаштырылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев