Фән олимпиадалары бара

Мәктәпләрдә фән олимпиадаларының район этабы төгәлләнде, җиңүчеләр ачыкланды, дип хәбәр иттеләр район мәгариф бүлегеннән. 923 укучы 28 фән юнәлешендә белемнәрен сынаган, аларның эшләрен югары һәм беренче категорияле укытучылар бәяләгән. Кнәз, Кече Шилнә, Новотроицкое, Комсомолец, Калмаш, Күзкәй, Мус.Завод, Бәтке, Биклән, Түбән Суыксу мәктәпләре укучылары олимпиадаларда актив катнашкан һәм югары нәтиҗәләр күрсәткән. 64 бала җиңүче исеменә, 110ы призлы урыннарга лаек булган.

Районда җиңүчеләр республика, төбәк олимпиадаларында катнашачак. Кичә Бәтке мәктәбенең 11 сыйныф укучысы Артем Бакалдин инглиз теле буенча республика күләмендәге бәйгедә катнашырга китте. Сәләтле яшьләребезгә уңышлар юлдаш булсын!