Хөрмәтле райондашлар! Кадерле кунаклар! 

Сабан туе – хезмәт һәм өмет, дуслык, тынычлык бәйрәме. Бәйрәмнең исеменә үк тирән мәгънә салынган – сабанчыга, игенгечә мәдхия җырлау, аның хезмәтен олылау, рәхмәт әйтү, олы эшләрдән соң җырлап-биеп күңел ачып, хезмәт туен үткәрү ул. 
Тукайлыларның фидакарь хезмәте нәтиҗәсендә район көннән-көн үсә. Авыл хуҗалыгы оешмаларында, башка тармакларда заманча технологияләр барлыкка килә. Бүген игенчеләргә, терлекчеләргә олы рәхмәтемне әйтәсем килә. Районны үстерүгә саллы өлешләрен керткән ветераннарыбыз алдыеда да баш иям. 
Җиребез һәм халкыбыз – безнең төп байлыгыбыз. Киләчәктә дә тормышыбыз матур, уңай үзгәрешләргә бай, табыннарыбыз икмәкле булсын. Һәммәгезгә дә исәнлек-саулык, йортларыгызга иминлек һәм бәрәкәт, гаиләләрегезгә бәхет телим. 
Сабан туе – татар халкының иң күркәм  бәйрәме. Ул елга бер була, ә күңелләрне ел буе җылытырга сәләтле. Барыгызны район Сабан туе мәйданында көтәбез! Килегез, күңел ачыгыз, ял итегез!
Район башлыгы Фаил Камаев.