Арча районында серияле җинаятьләр кылган туганнар төркеменә суд карары чыгарылды
Арча районының алты кешесенә карата суд карары чыгарылды, аларның дүртесе — балигъ булмаган яшүсмерләр. Әлеге төркемгә керүчеләр бертуган һәм абыйлы-энеле икетуганнар. Алар берничә җинаятьтә: акча таләп итү, мошенниклык, талау һәм автомобиль урлауда гаепле дип табылды. Бу хакта ТР буенча Тикшерү комитеты җитәкчесенең өлкән ярдәмчесе Андрей Шептицкий хәбәр итә.
Тикшерү ачыклаганча, 2024 елда яшүсмерләр һәм аларның өлкән туганнары бергәләп тә, аерым-аерым да җинаятьләр кылган. Яз көне үз авылларындагы кешедән 52 мең сум акча таләп иткәннәр, ә аннары аны талап киткәннәр.
Соңрак, 16 июль кичендә, исерек хәлдә булган бу төркем күрше авылдан килгән 11 яшьлек малайны очрата. Алар малайдан акча сорыйлар, аннары аны йоклап яткан әтисенең машина ачкычларын алырга мәҗбүр итәләр. Баланы үзләре белән алып, җинаятьчеләр машинада җилдерәләр. Бу сәяхәт машинаның юл читенә чыгып очуы белән тәмамлана. Компания малайны төнлә юлда берүзен калдырып, өйләренә таралыша.
Суд карары нигезендә барлык фигурантларга бер елдан өч елга кадәр шартлы рәвештә төрмә сроклары билгеләнде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев