Корбан чалу өчен нисаб күләме ике тапкырга артты
ТР МДН Казыйлар шурасы һәм Галимнәр шурасының бертавыштан кабул ителгән карары нигезендә, 2026 елда Корбан чалу өчен нисаб күләме 100 мең сум итеп билгеләнде. Бу хакта «Татар-информ» матбугат конференциясендә Казан казые Булат хәзрәт Мөбәрәков хәбәр итте.
Корбан нисабы — ул кешенең бурычлары һәм кирәкле чыгымнарыннан артып калган ирекле акчасы. Әгәр бу сумма җитәрлек булса, мөселман ир-атка яки хатын-кызга Корбан чалу мәҗбүри санала.
«100 мең сум турында сөйләгәндә, без бары тик акчаны гына түгел, ә башка артык милекне дә күздә тотабыз. Ел дәвамында кулланылмаган теләсә нинди милек артык дип санала», — диде Мөбәрәков.
Корбан нисабы 595 грамм көмеш бәясенә тиң, бу якынча 100 мең сум тәшкил итә. Узган ел ул 53 мең сум булган.
Чыганак: Татар-Информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев