Каһарманнарга мәңгелек дан!

9 май көнне 10: 00 сәгатьтә Шилнәбаш мәктәбе территориясендә һәлак булган авылдашлар һәйкәле янында Бөек Ватан сугышында Җиңүнең 80 еллыгына багышланган тантаналы митинг узды.

Россия Федерациясе һәм Татарстан Республикасы Дәүләт гимны астында катнашучылар Ватан азатлыгы өчен гомерләрен биргән геройларны искә алдылар. Бәйрәм программасын «Тополек» балалар бакчасында тәрбияләнүчеләр дәвам итте.

Шилнәбаш мәктәбе укытучылары «Офицерлар» кинофильмыннан «От героев былых времен» җырын башкарды, ә «Нивушка» халык җыры ансамбле тамашачыларга «Стоят березоньки» җырын бүләк итте.

Тәрбия эшләре буенча директор урынбасары Ольга Хлопунова Роберт Рождественскийның «Реквием» поэмасыннан өзек укыды. 7А, 7Б һәм 9 нчы сыйныф укучылары да совет халкының батырлыгына багышланган шигырьләре белән чыгыш ясады.

Бу истәлекле көнне МХОда һәлак булган авылдашлар хөрмәтенә мемориаль такта ачылды. Тактаны ачу хокукы Ватан өчен гомерләрен биргән геройларның әниләренә һәм хатыннарына бирелде.

Катнашучылар Бөек Ватан сугышы елларында һәм махсус хәрби операция барышында һәлак булганнарны бер минут тынлык белән искә алды.

Җиңү көне – бәйрәм генә түгел, ә ирегебезнең нинди бәя белән яулап алынуын искә төшерү дә ул. Каһарманнарга мәңгелек дан!