Урып-җыюны тизләтергә кирәк

Хуҗалыклар	Барлык бөртеклеләр
	План, га	Теземнәргә салынган, га	Суктырылган	Уңыш ц/га
Чаллы яшелчәсе	1570	600	600	25,1
Гигант	1010	430	315	33,6
Камский	970	380	380	23,2
Алмаз	440	195	185	22,4
Тукай азык-төл. корп.	3931	518	268	15,0
Биклән	962	250	250	21,6
Ярыш	1563	430	200	23,5
Сәйдәшев ис.	3646	405	405	23,4
Ирек	1018	0	0	-
А/ф Кама	20302	3624	3437	26,0
Кама Бекон	7172	1635	1635	23,0
Вилданов КФХ	1747	500	500	18,5
Калган КФХ	4557	100	100	17,0
Район буенча	49988	9167	8375	24,1

Дүшәмбе көнне район хакимиятендә узган атналык киңәшмәдә муниципаль район башлыгы Васил Хаҗиев урып-җыю темпларын арттыру кирәклеген әйтте. Район авыл хуҗалыгы һәм азык-төлек идарәсе башлыгы Хәйдәр Сабитов көн кадагындагы урып-җыю темасына чыгыш ясады. Ул барлык хуҗалыкларның уракка техник яктан әзерлеген уңай бәяләде. Шул ук вакытта район буенча урып-җыюның әкрен баруын да билгеләп үтте. «Эш темплары әлегә канәгатьләнерлек түгел. Көн саен 2 мең гектар җирдән бөртек җыеп алынырга тиеш. Аеруча көзге культураларны тиз арада югалтуларсыз җыеп алырга кирәк»,- диде Хәйдәр Сабитов.

Идарәдән алынган мәгълүматлардан күренгәнчә, 5 августка район басуларында 49988 гектардагы бөртеклеләрнең 9167 гектары теземнәргә салынган, 8375 гектары, ягъни 17 проценты суктырылган, гектардан уртача уңыш 24,1 центнер тәшкил итә. Һава шартлары игенчеләрне ашыктыра. «Кама» агрофирмасы - 2030 гектарның 17 процентында, «Чаллы яшелчәсе» - 1570 гектарның 38 процентында, «Тукай азык-төлек корпорациясе» 3931 гектарның 7 процентында игеннәрне суктырып алдылар. Соңгы көннәрдә явып үткән яңгырлардан соң көннәр аяз торган мәлдә урып-җыю эшен арттыру зарур.