Тыл ветераны Нәзилә Могыйнова гөлбакчасында кунакта булдылар
Тукай районында «Йортларга – китап нуры!» исемле күркәм һәм изге акция кысаларында хөрмәтле тыл ветераны Нәзилә апа Могыйнованың өенә барып, аны яңа китаплар һәм журналлар белән сөендерделәр.
Өлкән буын вәкиленә рухи азык һәм җылылык бүләк итү максатыннан оештырылган бу очрашу тиз арада бик ихлас һәм дусларча сөйләшүгә әверелде. Әдәби яңалыклар белән танышканнан соң, бәйрәмчә очрашу бик үзенчәлекле тәмамланды: Мерәс авылыннан булган Нәзилә апа кунакларны үзенең соклангыч гөлбакчасына чакырды һәм үз куллары белән үстергән чәчәкләр дөньясына җылы сәяхәт ясады.

Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев