Туган якның хәтер бакчасы: Куадыда зур өмә узды
Куады авылы халкы, берләшеп, зират территориясен тәртипкә китерде. Санитар-экологик икеайлык кысаларында оештырылган бу чарада ТР Транспорт һәм юл хуҗалыгы министры Фәрит Хәнифов та катнашты.
Язгы чын табигатьне яңарту гына түгел, үткәннәрне хөрмәт итү вакыты да. Шушы көннәрдә Куады авылында «Экологик иминлек» илкүләм проекты кысаларында зур өмә үтте. Авыл активистлары, яшьләр һәм өлкәннәр бердәм булып зиратны чүп-чардан арындырдылар, каберлекләрне тәртипкә китерделәр.
Бу чараның дәрәҗәсен һәм мөһимлеген тагын бер кат ассызыклап, өмәгә Татарстанның транспорт һәм юл хуҗалыгы министры Фәрит Хәнифов та кушылды. Югары дәрәҗәле кунакның авыл халкы белән бергә хезмәт куюы — туган җиргә һәм гореф-гадәтләргә ихтирам билгесе.
«Үзебез яшәгән җирне үзебез карамасак, кем карар? Мондый чаралар авылдашларны берләштерә, яшь буында табигатькә һәм тарихыбызга сакчыл караш тәрбияли», — дип билгеләп үтте авыл активистлары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев