Татарстанга яңгыр, боз һәм көчле җил килә
Якшәмбе, 9 августта, республикада аязучан болытлы һава торышы, кыска вакытлы яңгыр, иртән һәм көндез урыны белән көчле яңгыр фаразлана, дип хәбәр итә ТР Гидрометеорология һәм әйләнә-тирә мохитне күзәтү идарәсе.
Кайбер районнарда яшенле яңгыр һәм боз яварга, төнлә һәм иртән урыны белән томан төшәргә мөмкин. Төньяк-көнбатыштан секундына 6-11 метр тизлектә җил исә, урыны белән аның тизлеге 15-20 метрга, иртән һәм көндез кайбер урыннарда 24 метрга кадәр җитә. Төнлә температура +15..+20 градус тәшкил итте, көндез термометрның терекөмеш баганасы +20..+25 градуска, көнчыгыш районнарда урыны белән +29 градуска кадәр күтәреләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев