Тайга сукмакларыннан фронт сызыгына: ни өчен Новосибирск аучысы Татарстанда контракт имзалаган?

Сергей — табигать баласы. Аның бөтен гомере тайгада узган. Бабасы — оста аучы — аны кечкенәдән үзе белән урманга йөрткән, эзәрлекләү һәм төгәл ату серләренә өйрәткән. Армиядә хезмәт иткәндә Сергей «төз атучы» (стрелок) белгечлеген үзләштергән.

«Мин разведчик булып хезмәт итәчәкмен. Тәҗрибәм бар, армиядә төзү атучы белгечлеген үзләштердем. Бабай бик оста аучы, мине дә үзе белән ала иде. Ауга мәхәббәт бабайдан күчте, бөтен гомеремне тайгада уздырдым, күпмедер вакыт умартачылык белән шөгыльләндем. Хәзер Ватанга файдалы буласым килә», — дип сөйләде Сергей «Татар-информ» агентлыгына.

Ни өчен Себер кешесе Казанга килгән? Җавап гади: Татарстан бүген контрактчыларга ярдәм итү буенча илдә алдынгы позицияләрдә тора.

1 гыйнвардан республикада РФ Саклану министрлыгы белән контракт төзүчеләр өчен түләүләр 2,9 миллион сумга кадәр арттырылды. Бу — Идел буе федераль округында иң югары күрсәткеч.

Шулай ук Татарстанда махсус хәрби операциядә катнашучы хәрбиләр һәм аларның гаиләләренә ярдәм итү өчен 3 меңнән артык муниципаль акт кабул ителгән.

Пилотсыз системалар гаскәрләренә керергә теләүчеләр өчен 117 номерлы кайнар элемтә линиясе эшли: шалтырату һәм 4 төймәсенә басу белән элемтәгә керергә мөмкин. Кандидат туры килсә, контакт мәгълүматлары хезмәткә сайлап алу пунктындагы белгечкә тапшырыла.

Яңа контракт хәрбиләре җирдә дроннар, экипажсыз катерлар һәм башка җайланмалар белән идарә итәчәк. Контракт шартлары буенча хезмәт вакыты минималь бер ел, автомат рәвештә озайтылмый, һәм өйрәтү ике айга Татарстан һәм күрше төбәкләрдә уза.

Контракт буенча хәрби хезмәт шартлары, премияләр һәм ташламалар турында мәгълүмат 117 телефоны буенча һәм Татарстандагы хәрби сайлап алу пунктында алырга мөмкин. Адрес: Казан, Аэропорт урамы, 1/40.

Чыганак: Татар-Информ мәгълүмат агентлыгы