Пилотсыз очкыч (БПЛА) куркынычы: Татарстан халкы өчен төп иминлек кагыйдәләре

Татарстан буенча Гадәттән тыш хәлләр министрлыгы пилотсыз очкычлар һөҗүме вакытында үз-үзеңне тоту буенча мөһим күрсәтмәләр бирде. Бу кагыйдәләрне белү сезнең һәм якыннарыгызның гомерен саклап калырга мөмкин.

Бина эчендә булсагыз:

• Тиз арада аскы катларга, подвалга яки паркингка төшегез.

• Мөһим: лифт кулланырга катгый тыела, баскычтан төшегез.

• Фатирда булсагыз, тәрәзәсез бүлмәгә (гадәттә бу ванна бүлмәсе) кереп, терәк стеналар арасында идәнгә утырыгыз.

Урамда булсагыз:

• Якындагы бинага, җир асты кичүенә яки куркынычсыз яшеренү урынына керегез.

• Һавада дрон күрсәгез, аның күз уңына эләкмәскә тырышып, читкәрәк китегез.

Электрон җайланмалар һәм элемтә:

• Дрон янәшәсендә рация, кәрәзле телефон яки GPS куллану куркыныч — бу очкычның детонациясенә китерергә мөмкин.

Мәгълүмат иминлеге:

• Очкыч калдыкларына кагылмагыз!

• Төшерелгән фото-видеоларны социаль челтәрләргә куймагыз — бу дошманга һөҗүмне төзәтергә ярдәм итә. Кадрларны турыдан-туры полициягә тапшырыгыз яки 112 номерына хәбәр итегез.

Киңәш: Гадәттән тыш хәлләр турында хәбәрләрне шунда ук алып тору өчен «МЧС России» мобиль кушымтасын йөкләгез.