Машина алам дип 1,5 миллион сумнан артык акчасын югалткан
Татарстанның Чистай районында яшәүче ир-ат интернет аша автомобиль сатып алырга теләп, 1,5 миллион сумнан артык акчасыннан колак каккан. Бу хакта Татарстан Республикасы Эчке эшләр министрлыгы хәбәр итә.
Ведомство мәгълүматларына караганда, Каргалы авылында яшәүче 27 яшьлек егет мессенджерларның берсендә арзан бәядән машина сату турында игъланга тап булган. Сатучы белән сөйләшкәннән соң, сатып алу килешүен рәсмиләштергән.
Сатучының күрсәтмәләренә ияреп, сатып алучы таможня чыгымнары өчен 579 мең сум күчергән. Аннан соң автомобиль өчен тагын 980 мең сум түләгән. Әмма акчаны алганнан соң сатучы үз йөкләмәләрен үтәмәгән, ә машина сатып алучыга килеп җитмәгән.
Әлеге факт буенча аеруча зур күләмдә кылынган мошенниклык маддәсе нигезендә җинаять эше кузгатылган, дип яза Татар-информ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев