Җәмәгать урыннарында күгәрчен ашатучыларга 5 мең сумга кадәр штраф яный
Бу хакта адвокат, икътисад фәннәре кандидаты, «Жаров группа» адвокатлар бюросының идарәче партнеры һәм Россия юристлары Ассоциациясенең экология буенча комиссиясе җитәкчесе Евгений Жаров хәбәр итә, аның сүзләрен «ТАСС» китерә.
Кошларны ашату үзе хокук бозу булып саналмаса да, әгәр бу гамәл территориянең санитария торышын бозса, җаваплылык барлыкка килә. Юрист аңлатканча, күгәрченнәр күпләп балалар мәйданчыкларында һәм ишегалларында җыелса, бу тизәк һәм азык калдыклары белән пычрануга китерә. Нәтиҗәдә, кимерүчеләр җәлеп ителә һәм инфекцияләр таралу куркынычы арта.
Жаров билгеләвенчә, азык һәм чүп-чарны рөхсәтсез калдырырга ярамый. РФ Административ хокук бозулар кодексының 8.2 маддәсе буенча, гражданинга бу өчен 3 мең сумга кадәр штраф салына, ә кабатланган очракта — 5 мең сумга кадәр.
Әгәр кошлар калдырылган азык белән милеккә зыян китерсә — мәсәлән, машина лак-бояуын яки бинаның фасадын бозса — җаваплылык инде төбәк нормалары буенча билгеләнә, һәм штраф күләме РФ субъектына бәйле булачак, ди Жаров.
Эксперт шулай ук ризыкны турыдан-туры җиргә калдырмаска киңәш итә. Күгәрченнәрне ашату өчен иң яхшысы — махсус билгеләнгән урыннар, парклар яки скверлар, анда бу гамәл тыелмаган һәм чүп калдырмый торган җимлекләр кулланыла ала.
Н.Туганов фотосы
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев