Якты юл

Тукай районы

18+
Рус Тат
2024 - Гаилә елы
Яңалыклар

Төзекләндерү кагыйдәләрен бозучыларга – күләмле штрафлар

ТРның Административ хокук бозулар турындагы кодексының "Урамда сәүдә итүне оештыру тәртибен бозу хакында"гы 3.2 маддәсе һәм "Җирлек һәм шәһәр округлары территорияләрен төзекләндерү, көнкүреш калдыкларын урнаштыру хакындагы муниципаль кагыйдәләрне үтәмәү турында"гы 3.6 маддәсе буенча 2013 елның икенче кварталында район административ комиссиясе 88 беркетмә карады. Законны бозучыларга барысы 117300 сум күләмендә штраф...

Хокук бозуларның иң киң таралган төре - төзекләндерү кагыйдәләрен үтәмәү. ТРның Административ хокук бозулар турындагы кодексының 3.6 маддәсе нигезендә, әлеге кагыйдәне үтәмәүче гражданнар 2000нән 3500 сумга кадәр, вазифадагы затлар 15000нән 30000 сумга, юридик затлар 200000 сумнан 500000 сумга кадәр штрафка тартыла. Тәртип бозуны төзәтү өчен ел дәвамында бернинди чара да күрелмәсә, гражданнарга кабат 3500дән 5000 сумга кадәр, вазифадагы затларга 30000нән 50000 сумга, юридик затларга 500000нән 1000000 сумга кадәр штраф салына.

Кагыйдәләр буенча, гомуми кулланудагы территориядә, юлларда төзелеш материалларын, продукция, шул исәптән салам, печән кебек мал азыгын, тиресне саклау, чүп ташлау тыела. Һава торышы кызу, коры торганда, җилле көннәрдә, шулай ук янгынга каршы махсус режим кертелгән чорда җирлек территориясендә көнкүреш калдыкларын, кипкән яфрак, агач материалларын яндыру ярамый. Тротуарларда, газоннарда, йорт аркаларында контейнерлар һәм бункерлар урнаштыру да рөхсәт ителми. Рекреацион, сусаклагыч зоналарга, яр буйларының саклана торган территорияләренә, суга чүп ташлаучы шулай ук административ җәзага тартыла. Гомумән, закон кеше сәламәтлегенә һәм әйләнә-тирә мохиткә зыян китерүче гамәлләрне тыя.

Реклама

Йорт янында шулай ук транспорт юу, йөк машиналарын саклау, контейнер мәйданчыкларына юлны ябу, территорияне койма белән әйләндереп алу, гомуми куллану урынында үз белдегең белән корылмалар төзү, аны металл, төзелеш калдыклары һәм башка төрле чүп белән тутыру, урамга пычрак су түгү ярамый. Шулай ук тиешле документлардан башка автотранспорт өчен түләүле стоянка оештыру тыела. Җирлекләрдәге төзекләндерү объектларына, кече архитектура формаларына, яшеллеккә зыян салу административ җәзага тартуга китерә, дип белдерә район Башкарма комитеты каршында эшләүче административ комиссия.

Следите за самым важным и интересным в Telegram-каналеТатмедиа

"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз

https://podpiska.pochta.ru/press/%D0%9F9499

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: тљзеклђндерњ кагыйдђлђре тљзеклђндерњ штраф