Якты юл
  • Рус Тат
  • Автор автор яңалыклары

    • 11 сентябрь 2020 - 09:05
      «Якты юл» миңа канатлар куйды 
      44 еллык данлыклы да, кызыклы да тарихы булган «Якты юл» («Светлый путь») газетасы бүген чираттагы юбилеен билгеләп үтә. Басманың беренче саннарыннан башлап, бүгенге көнгә кадәр яраткан хезмәтенә тугры калган мөхтәрәм ветераныбыз – рус телендә нәшер ителүче басманың алыштыргысыз тәрҗемәчесе, 20 елдан артык редакторның дубляж буенча урынбасары вазифасын башкарган талантлы хезмәттәшебез Әлфия Шәйхнур кызы Сөнгатуллинага 70 яшь.
      166
      0
      0
    • 8 сентябрь 2020 - 13:30
      Сандыктагы музей
      «Якты юл» газетасының бер санында «Өлкәннәр музее оештырырга телим» дигән белдерүем басылган иде. Яши-яши үзләре дә музей экспонатын хәтерләткән өлкәннәр әнә шулай хыялыйрак була инде. Гомернең җитмеш бишенче баскычына менеп җиткәч башкачарак уйлый башлыйсың икән шул. 
      272
      0
      0
    • 7 сентябрь 2020 - 11:25
      Район үсә, авыллар төзекләнә 
      Тукай районы социаль-икътисадый үсеш буенча ТР муниципаль районнары арасында бишенче, авыл районнары арасында беренче позициядә. Районда бүген 41348 кеше теркәлгән. Белгечләр фикеренчә, реаль саннар күпкә артык. Шәһәр яны территориясе буларак, биредә торак йортлар төзелеше кызу бара. Аларны берьюлы инфраструктура челтәрләре белән тәэмин итү мөмкинлеге юк. Шунлыктан күпләр пропискага керергә ашыкмый. Шуның өстенә йөзгә якын бакчачылык ширкәте урнашкан. Аларда да даими яшәүчеләр артканнан-арта.
      337
      0
      1
    • 1 сентябрь 2020 - 11:25
      Укучым белән горурланам
      Йөз кат төшсә, йөз кат алыр идем Түбәтәен аның иелеп. Игенченең маңгай тире саен, Җыерчыгы саен изгелек...
      290
      0
      0
    • 31 август 2020 - 11:40
      Абруйлы күршеләребез 
      Сүзем «Татарстан» совхозы поселогында яшәүче Поповлар гаиләсе турында. Йорт хуҗасы Александр дәдәй Тукай районы Җәйләү авылында туып үскән. Ә аның тормыш иптәше Вера түти күрше авыл Бордыдан. Александр дәдәй терлекчелектә эшләде. Ул үстергән маллар көр, таза була торган иде. Александр Поповның исеме – алдынгылар рәтеннән, рәсеме совхозның һәм районның мактау тактасыннан төшмәде. Ул күптән инде лаеклы ялда, быел 83 яшен тутырды, шулай да гел хәрәкәттә әле, үз йорты тирәсендә эшне табып тора. 
      375
      0
      0
    • 28 август 2020 - 15:10
      «Газета ул – бер көндә тарих язу»
      Чишмә башы Моннан 44 ел элек, 1976 елның 28 августында, «Якты юл» газетасының беренче саны басылып чыга. 1960 елдагы газеталарны «эреләндерү» (берләштерү) сәясәте вакытында Чаллы төбәгендә саф татар телендә чыга торган «Коммунизм байрагы» газетасы Алабуга каласына күчерелгән була. 1963 елда ул аннан кабат Чаллыга кайткач, рус телле газетадан тәрҗемә газетасына әверелә. Ул чагында Чаллы районы дип йөртелгән шәһәр яны территориясендә зур төзелешләр башлана. Төзелешкә татар авылларыннан яшьләр агыла, тормыш кайнаган төбәккә язучылар күченеп килә. Шундый зур колачлы төзелеш барган, татарлар күпләп яши торган төбәктә татар телендә газета чыгару зарурлыгын тормыш үзе таләп итә. Шулай итеп, 1976 елда саф татар телендә «Якты юл» газетасын чыгару турында карар кабул ителә. Газетаның беренче саны чыккан көн нәшер итүчеләр өчен дә, укучыларыбыз тормышында да истәлекле вакыйга була.  Бу көннәрдән соң 44 ел дүрт ел гомер үтте. Илебез тормышында җитди үзгәрешләр булды. «Якты юл»ны башлап җибәргән журналистларның күпчелеге якты дөньяда юк инде. Ә алар калдырган мәктәп, каләм яктысы яши. Газета уңга-сулга тайпылмыйча, туры юлын дәвам итә, ул район тормышының көзгесе, чын халык трибунасы.  Бүген сүзебез газетабыз ветераны, бик күп мәртәбәле исемнәр иясе Хәмит Нәҗип улы Мөхәммәтшин турында.
      337
      0
      0
    • 27 август 2020 - 11:05
      Балаларны тормышка әзерлибез
      Сыйфатлы белем – тормыш сыйфатының нигезе. Бу ике төшенчә үзара нык бәйләнгән, бүгенге көндә алар дәүләт сәясәте критерийлары да булып торалар. Белем бирүдә яхшы сыйфатка ирешү өчен бала белән өлкәннәр, ягъни укытучылар арасында үзара аңлашу, тыгыз элемтә урнаштыру мөһим. Педагоглар алдында бүген балаларны кызыксынучан, эзләнүчән шәхес итеп үстерү бурычы тора. 
      303
      0
      0
    • 23 август 2020 - 11:25
      Туган җанлы апам бар минем!
      Туганлык хисе – дөньядагы иң изге хис. Ул хис – йөрәкләрне тоташтыручы алтын күпер. Ни кызганыч, соңгы елларда кешеләр арасында бу хис сүрелә башлады. Дөнья малы өчен туган белән туган тарткалаша, ызгыша. Менә шул хәлләрне күреп, ишетеп торганнан соң Гәүһәр апамны уйлап, аның гомере буена туган җанлы булуына сөенәм. Бертуган Гәүһәр апам барыбызны да кайгыртып яшәүче, әниебез урынына калган кеше. Балачагымнан ук ярдәмче булды ул. Әтием 34 яшендә сугышта һәлак булды һәм әниебез 36 яшендә тол калды. Тормыш авыр, сугыштан соңгы еллар бит. Апага урман кисү, торф чыгару кебек авыр эшләр башкарырга туры килде. Егерменче яшендә кияүгә чыкты ул. Ире белән шахтерлар шәһәре Гремячинскийда яшәделәр. Анда да ул авыр эшләр башкарды. «Гөлфиябезне укытырга кирәк. Арада беребез булса да укымышлы булсын!» Апа шулай диде. Һәм, ярдәменнән ташламады. Өс-башымны карады, ел саен Сабантуена матур тукымалар алып кайтып бирде, әнкәй шул тукымалардан матур күлмәкләр текте. Мин кияүгә чыкканда Гәүһәр апам сандык тутырып бирнә әзерләде. 
      229
      0
      0
    • 17 август 2020 - 13:40
      Алар мәңге хәтердә
      Хөрмәтле «Якты юл» газетасы хезмәткәрләре! Мин – Тукай районы Иске Абдул авылыннан Фәйрүзә Ваяз кызы Сабирова, әтием турында язарга булдым. Әтисе сугышка киткәндә ул кырык көнлек сабый гына булып калган. Сугыш чоры һәм аннан соңгы авыр балачак еллары турында әтием бик еш искә ала иде. Әтиемнең әтисе – Кыяметдин бабай, 1941 нче елда ук хәбәрсез югала. Бөек Җиңүгә 75 ел булды. Бабабыз хакында бернинди дә хәбәр таба алганыбыз юк. Мәрфуга әбинең өч улы да сугышка китә – Кыяметдин, Билалетдин һәм Нурулла абый. Ике улы сугышта һәлак була, Билалетдин абый бер аягын сугыш кырларында калдырып кайта. Тик, ул да сугышта алган яраларыннан мантый алмыйча, 5 баласын ятим калдырып үлеп китә.
      233
      0
      0
    • 16 август 2020 - 12:20
      Әтиебез нигезе чакыра
      Исән булса, Элҗен көнне (Ильин день) – 2 августта әтиебез Илья Масловка 100 яшь тулган булыр иде. Без балалары, оныклары аны ел саен искә алып, шушы көнне төп йортка җыелабыз. Бу традиция инде гаиләбездә күп еллар саклана. Быел да матур гадәтебездән читкә тайпылмыйча, туган авылыбыз Бордыга – әти-әни нигезенә кайттык. Һәр елдагыча, беренче эш итеп, зиратка бардык, әти-әниләрне, туганнарны искә алдык.
      255
      0
      0
    • 15 август 2020 - 13:55
      Ни арада картлык килде?!
      Боерган авыл җирлегендә матур тормыш юлы узып, бүген 90 яшен тутыручы өлкәннәребез байтак. Июль аенда Колыш авылыннан Фаянур Ханнанова, Таулар авылыннан Мәгърифә Таҗетдинова, Боерганнан Тәгъзимә Әхмәтоваларны олуг юбилейлары белән котладык. Аларга Россия Президентының котлау открыткасы тапшырылды, истәлеккә бүләкләр бирелде. 
      299
      0
      0
    • 15 август 2020 - 13:15
      Биклән тарихы – олпат хезмәтем
      Биклән авылында яшәүче Рәзинә Сәетгәрәева бик тынгысыз затлардан. Шагыйрә дә, чәчмә әсәрләре дә шактый аның. Газетабызның да актив хәбәрчесе. Бүген ул ТР Журналистлар берлегендә тора, ТР Язучылар берлегенең шәрәфле әгъзасы. Шушы көннәрдә Рәзинә Габделбәр кызының зур тырышлык таләп иткән тагын бер күләмле хезмәте дөнья күрде – «Биклән авыл тарихы» китабы басылып чыкты. Каты тышлык белән эшләнгән 450 битлек әлеге китап Уфа һәм Мәскәү архивларыннан алынган тарихи документларга, авыл өлкәннәре язып калдырган язмаларга, басма матбугатта чыккан материалларга нигезләнеп төзелгән. Китапта сугыш чорындагы авыр тормыш, сугыш һәм тыл ветераннары язмышы, авылның билгеле кешеләре белән танышырга була. Китап сигез бүлектән тора. Мәгариф һәм мәдәнияткә аерым урын бирелгән. «Бүгенге Биклән» дигән бүлек тә бар. Анда авыл сулышы, аны яшәтүче кешеләр турында язылган. Китап авторның җырлары, шигырьләре белән тулыландырылган. 
      220
      0
      0
    • 15 август 2020 - 11:05
      Авылда – курчак театры
      Теләнче-Тамак авыл китапханәсе һәм авыл мәдәният йорты хезмәткәрләре Алексей Толстойның «Золотой ключик или приключения Буратино» әкиятен сәхнәләштерде. 11 августта авыл мәдәният йорты янында, саф һавада, курчак театры тамашасын балалар белән беррәзттән өлкәннәр дә яратып карады..
      233
      0
      0
    • 10 август 2020 - 13:00
      Туган җирем Югары Байлар
      Үтик әле «Чәчкәле»нең Сихри урманыннан. Эзлик балачак эзләрен Бормалы юлларыннан. Р. Мәүҗиев.
      258
      0
      1
    • 9 август 2020 - 12:25
      Безнең Сәмигулла абый
      Безнең Оргыды авылында хөрмәткә лаек кешеләр күп. Элеккеге «Ленар» колхозында гомер буе тырышып хезмәт куйган авылдашларыбызның исемнәре мактауга лаек. Алар турында район газетасында да язып торам. Бүгенге язмам исә Сәмигулла абый Шәмсетдин улы Рахмангулов турында.
      261
      0
      0
    Реклама