Мирһади Разов автор яңалыклары

• 08 июнь 2023

  Мәләкәс мәдәният йортында җәйге мәктәп яны лагерында тәрбияләнүче балалар өчен “Пушкин әкиятләре юллары буйлап” квест-уены узды

  Командаларга бүленеп, капитаннарны сайлап, уен шартлары белән танышканнан соң, балалар маршрутлар язылган битләрне алып сәяхәткә киттеләр.

  
• 05 март 2023

  Без – Илһамны биргән төбәк

  Безнең Тукай районы халкы якташыбыз, татарның бөек улы, җырчы Илһам Шакиров белән чиксез горурлана.

  
• 04 август 2022

  Без – Төмәнне кайттык гөрләтеп

  Тукай районы 30 июль көнне Төмән шәһәрендә халкыбызның милли бәйрәме Сабантуенда  мөхтәрәм кунак булып та, Татарстан данын яклап та, мәдәни яктан бизәп тә гөрләтеп бәйрәм үткәреп кайтты. Тукайлыларның алып килгән күчтәнәчләре, татар халкының милли ризыклары, рухи хәзинәсеннән Төмәннең үзеннән генә түгел, Себернең бик күп төбәкләреннән килгән килгән төрле халыклар “авыз итте”. Себер җирендә әле мондый күркәм Сабантуеның булганы юк иде, диделәр биредә яшәүчеләр.

  
• 19 май 2022

  Каләмнәрдән нурлар тамып тора

  Хәзерге минуты-сәгатье белән үзгәреп торган заманны мәгьлүматсыз күз алдына да китереп булмый. Газета-журналлар, радио-телевидение, интернент аша халык үзенә кирәкле һәм дә мөһим булган хәбәрләрне ала. Авылларда яшәүчеләргә район хәлләрен белеп тору зарур, үз җирлегеңдә булган вакыйгалар, яңалыклар кешегә сулар һава кебек кирәк. Тукай районының “Якты юл”(“Светлый путь”) газетасы һәрвакыт үз укучылары таләпләренә җавап бирерлек язмалар әзерли, үзенең битләрендә район тормышын киң яктырта, заман белән бергә атлый.

  
• 07 апрель 2022

  Күркәм бер бәйрәм кебек үтте

  Тарихын, ата-бабаларын белгән милләтнең генә киләчәге якты. Шәҗәрәсен, гореф-гадәтләрен буыннан-буынга тапшырып килгән нәселнең генә тамырлары нык була. Гаилә нигезендә төпле тәрбия, иман булганда гына балаларыбыз халкыбызның милли рухын саклап, ерак гасырларга юл тотарлар. 

  
• 17 март 2022

  Табиблар өчен йорт төзелә

  Районда халыкны, бигрәк тә яшь гаиләләрне яшәү урыннары белән тәэмин итүдә төрле программалар, проектлар эшләп килә. Бигрәк тә республиканың Дәүләт торак фонды белән берлектә алып барыла торган төзелеш программасы бүгенге көндә аеруча уңышлы хәл ителә. Кече Шилнә авылында Тукай районы үзәк дәваханәсендә хезмәт куючы табиблар һәм яшь белгечләр өчен төзелә торган торак йорт та нәкъ менә шушы фонд заказы нигезендә җиткерелә.

  
• 17 март 2022

  Электрон сәүдә: кичә, бүген, иртәгә

  Фән-техника үскән, яңа нанотехнологияләр барлыкка килгән саен тормышыбызда уңай үзгәрешләр көне-сәгате белән арта тора. Интернет заманында электрон сәүдәнең үсүе, аның киләчәге киң булуы инде бәхәссез. Электрон сату тормышыбызга үтеп кереп, аңыбызны үзгәртте. Бу алым бигрәк тә эшмәкәрләр, үзмәшгульләр, җитештерүчеләр өчен дә файдалы, җайлы. Районда электрон сәүдәне үстерүгә зур игътибар бирелә.

  
• 08 март 2022

  Кыю йөрәкле гүзәл лейтенант

  Гүзәл затларыбыз һәр эштә, һәркайда уңганнар, тырышлар, җитезләр, күркәмнәр. Аларның барлык уңай сыйфатларын санарга сүзләр дә җитмәс. Кызларыбыз тормышыбызның яме, гаме. Халыкара хатын-кызлар көне якынлашканда алар аеруча матурлана, чибәррәк, нәзакәтлерәк күренә башлый. Чөнки яз бәйрәме, чәчәкләр һәм гүзәлләребез үзгә бер якты, җылы, ягымлы мохит тудырып, җаныбызны, күзләребезне иркәли.

  
• 03 март 2022

  Юмореска

  Әле кайчан гына 23 февраль алдыннан борынын күтәреп йөргән Габделхәйнең бу көннәрдә бер дә кәефе юк. Хатын-кызлар көне җитә бит. Нинди бүләк алырга? Нәфисәсе аның үзенә ике пар носки, кырынырга күбек һәм бер кульяулык биреп котылды. Менә хәзер Габделхәйнең чираты. И баш ватты ул, интекте, хәләл җефетенә нинди бүләк алып бирергә дә белмәде. Бер яктан, сөендерәсе дә килә, икенче яктан, кыйммәт тә булмасын, кирәкле әйбер булсын. Тукта, дип уйлады ул, күрше Кәрим Сафиясенә ни бүләк итәргә җыена икән? Бәлкем берәр киңәш бирер.

  
• 24 февраль 2022

  Җитәкчеләребез спорт ярата

  «Акыллы булу өчен кешегә уйлау сәләте генә түгел, ә физик чыныгу да кирәк», – дигән бер акыл иясе. Әйе, юкка гына татар халык мәкале дә «Сәламәт тәндә сәламәт акыл» дип әйтмидер. Җитәкчеләрнең кышкы спартакиадасы һәр елны районыбызда уза торган матур традициягә әйләнде. Спартакиадада район җитәкчеләре белән берлектә, бюджет һәм коммерция оешмалары һәм предприятиеләре директорлары, аларның урынбасарлары катнашты. Ярышларда 141 кеше биш спорт төрендә көч сынашты. 

  
• 24 февраль 2022

  Ветераннарны котладылар

  Ватанны саклаучылар көне уңаеннан районы авылларында гомер итүче Бөек Ватан сугышы ветераннарын өйләренә барып тәбрик иттеләр. Хәзерге көндә районыбызда җиде сугыш ветераны яши. 

  
• 23 февраль 2022

  Армия - ул тормыш мәктәбе

  Февральне курку белмәс ир-егетләр, хәрбиләр ае дип юкка гына әйтмиләр. 23 Февраль – Ватанны саклаучылар көне дә туган илебез иминлеге сагында торган  һәм торачак көчле затларга хөрмәт күрсәтү, хәрби хезмәтнең, тәрбиянең мөһим булуын тагын бер кат искәртү ул. Бүген армия сафларында хезмәт итү аеруча әһәмияткә ия, бары тик көчле дәүләт кенә үзен яклый алачак. Тукай районыннан да ел саен язгы һәм көзге чакырылышларда 70тән артык егет хәрби хезмәткә китә. 

  
• 22 февраль 2022

  Мирһади Разов: «Матур сүз, яхшы сүз, баллы сүз Гел тамып торсын бу телеңнән!»

  Шагыйрь, журналист, 500дән артык танылган җыр авторы, Татарстанның атказанган мәдәният хезмәткәре, Татарстан Язучылар берлеге әгъзасы Мирһади Разов районыбызның «Якты юл» газетасында хезмәт куя. Аның авылларыбыз, район тормышы, алдынгы кешеләребез турында язмалары, кызыклы юморескалары газетабыз битләрендә даими басылып тора. Укучыларыбыз аның шигъри әсәрләрен дә «Якты юл»да күрергә телиләр. Бүген авторның соңгы вакытларда иҗат иткән әсәрләрен тәкъдим итәбез.

• 14 февраль 2022

  Һәлакәтләр ни сәбәпле чыга?

  Район башкарма комитеты каршында эшләп килүче юл хәрәкәте куркынычсызлыгы комиссиясе үзенең чираттагы утырышын уздырды. Анда башкарма комитетның идарә һәм бүлекләре җитәкчеләре, белгечләр, мәктәп директорлары, авыл җирлекләре башлыклары, ЮХИДИнең  район бүлеге инспекторлары, юлларга хезмәт күрсәтүче оешмалар вәкилләре һәм онлайн режимда Казаннан ТР Эчке эшләр министрлыгы ЮХИДИ идарәсе башлыгы урынбасары Алексей Пономарев катнашты.

  
• 03 февраль 2022

  Бордыда белгечләр әзерләячәкләр

  Тукай муниципаль районында авыл хуҗалыгы өлкәсенә кадрлар әзерләү буенча җитди эш алып барыла. Билгеле булганча район җитәкчесе Фаил Камаев Борды авылында һөнәри уку йорты булдыру тәкъдиме белән чыккан иде. Ул “Л.Б. Васильев исемендәге Кама дәүләт автомеханика техникумы”ның филиалын ачу көн таләбе икәнен искәртте.