Агымдагы елның өч аенда район территориясендә булган 23 юл-транспорт һәлакәтендә 4 кешенең гомере өзелде, 35 кеше төрле дәрәҗәдә тән җәрәхәтләре алды. Үлүчеләр саны да, сәламәтлегенә зыян алучылар да узган елдан күбрәк. Һәлакәтләрнең 2сендә 18 яшькә кадәрге 4 бала тән җәрәхәтләре алды. Һәлакәтләрне кисәтү максатыннан район ЮХИДИ хезмәткәрләре ел башыннан 12...
Агымдагы елның өч аенда район территориясендә булган 23 юл-транспорт һәлакәтендә 4 кешенең гомере өзелде, 35 кеше төрле дәрәҗәдә тән җәрәхәтләре алды. Үлүчеләр саны да, сәламәтлегенә зыян алучылар да узган елдан күбрәк. Һәлакәтләрнең 2сендә 18 яшькә кадәрге 4 бала тән җәрәхәтләре алды.
Һәлакәтләрне кисәтү максатыннан район ЮХИДИ хезмәткәрләре ел башыннан 12 махсус рейд үткәрделәр. Аларда юл йөрү кагыйдәләрен бозуның 668 очрагы теркәлде. Шул исәптән 5 йөртүче исерек килеш тоткарланды, ярамаган урында алдагы машинаны узарга чыккан өчен - 41, балаларны махсус креслода йөртмәгән өчен - 10, штрафын вакытында түләмәгән өчен - 17, куркынычсызлык каешын такмаган өчен - 118, тизлек режимын бозган өчен 285 беркетмә төзелде.
Штрафын вакытында түләмәгән 33 йөртүче суд карары белән арестка алынды, 134 кешегә штраф салынды, дип хәбәр итә район ЮХИДИ бүлеге.
"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз
Нет комментариев