Яңа елга каршы төндә җылы була, ә 3 гыйнвардан кисәк кенә суыта

Татарстанда 31нче декабрьдә көндез 4 градус салкыннан алып, 1 градуска кадәр җылы була. 2014нче елның 3нче гыйнварына кадәр җылы һава торышы саклана, ләкин соңыннан кисәк кенә суыта. 31 че декабрьдә кар, юеш кар явуы, томан һәм бозлавык булуы көтелә. Төнлә 1-6, урыны белән 11 градуска кадәр салкын булуы көтелә, көндез - 4 градус салкыннан алып 1 градуска кадәр җылы.
1-2нче гыйнварда аязучан болытлы һава булуы көтелә. Урыны белән кар, юеш кар явуы ихтимал. Төнлә - 2-8, аяз булганда, 11 градус салкын, көндез - 0-6 градус салкын.
3нче гыйнвардан температура төшә башлый, кар явачак. Бу көнне төнлә һәм көндез - 8-13 градус салкын, 4нче гыйнварда төнлә - 13-18, аяз булганда, 23 градус салкын. Көндез 4нче гыйнварда 10-15, көнчыгышта - 20 градуска кадәр салкын.