Тукай районының “Гиндукуш” музее Сармандагы семинарда катнашты (фото)

Һәр елны 18 май көнне бар дөньядагы музей хезмәткәрләре һөнәри бәйрәмнәрен билгеләп үтә. !әр елны бәйрәм билгеле бер темага багышлана. 2015 ел шигаре - "Музейлар һәм җәмгыятьнең тотрыклы үсеше". Сарман районының Бөек Ватан сугышы һәм туган якны өйрәнү музеенда шушы көнгә багышланган, "Туган ягым" дип аталган фәнни-гамәли семинар үтте. Анда эшче төркемне җитәкләгән "Гиндукуш" музее директоры Резидә Гарипова да катнашты. Чарада катнашучыларны районыбыз исеменнән сәламләп, ул музейга Иске Абдул авылы тарихы турындагы китап бүләк итте. Киләчәктә дә Сарман районының музейлар һәм мәктәпләре белән хезмәттәшлек итәрбез, дип ышанасы килә, дип хәбәр итә "Гиндукуш" музее директоры Резидә Гарипова.