Тукай районында юллар тәүлек буе чистартыла

Узган елның соңгы көннәреннән алып, бүгенгәчә Татарстанда кар явудан туктамый. "Татавтодор" АҖнең Чаллы филиалы директор урынбасары Фидаес Мәүлиев сүзләренә караганда, кар, былтыргы кышка караганда күбрәк яуса да, 2010 нчы елга карганда, барыбер, азрак.

Тукай районында гомуми файдаланылуда булган территориаль юллар тәүлек буе чистартыла, шул исәптән бәйрәм көннәрендә дә. Бу максаттан 15 берәмлек техника җәлеп ителә, эшчеләр юлны һәм юл кырыен кардан чистарта, шулай ук бозлавыкка каршы материаллар белән эшкәртә.