Тукай районы үзәк хастаханәсендә ачык ишекләр көне үтә

Аның максаты - мәктәп укучыларын сәламәтлек саклау системасы белән таныштыру һәм Казан дәүләт медицина университеты турында тулырак мәгълүмат бирү. Чара барышында дәваханә табиблары, шәфкать туташлары, университетның бүгенге студентлары белән очрашу, дәваханә буенча экскурсия үткәрү планлаштырылган. Ачык ишекләр көненә Тукай районы мәктәпләрен тәмамлаучылар, үзләрен табиб һөнәренә багышларга теләүчеләр һәм аларның әти-әниләрен көтеп калабыз дип хәбәр итә чараны үткәрүчеләр.