Туера авылында яшәүче хезмәт ветераны Гаишә Мифтахова олы юбилеен билгеләп үтә
Туера авылында яшәүче хезмәт ветераны, «Ана даны» медале иясе Гаишә Мифтахова үзенең 90 яшьлек юбилеен билгеләп үтте. Истәлекле дата уңаеннан аны котларга район җитәкчелеге, туганнары һәм күршеләре җыелды.
Гаишә апа озак еллар дәвамында җирле фермада савымчы булып эшләгән. Мәрхүм ире Нәкыйп абый белән бергә биш бала тәрбияләп үстергәннәр. Авыр хезмәттән тыш, ул чигү эшенә дә күп вакыт биргән һәм авылда оста чигүче буларак та билгеле.
Юбилярны котлар өчен район ветераннар һәм инвалидлар оешмасы җитәкчесе Фәйрүзә Вәҗиева һәм Боерган авылы җирлеге башлыгы Гөлүзә Минакова килделәр. Кунаклар Гаишә апага рәсми котлау хатларын җиткерделәр һәм истәлекле бүләкләр тапшырдылар.
Котлауларга ветераннар һәм инвалидлар оешмасы җитәкчесе Флүзә Салимова да кушыла. Ул Гаишә Мифтаховага ныклы сәламәтлек, җан тынычлыгы һәм балалары, оныклары, оныкчыклары уртасында бәхетле картлык тели.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев