Теләнче-Тамак авылы халкы агачларны агарту акциясенә кушылды
Теләнче-Тамак авыл җирлегендә «Экояз» акциясе кысаларында агачларны агарту һәм территорияне төзекләндерү буенча зур өмә узды. Биредә мәдәният, китапханә һәм авыл җирлеге администрациясе хезмәткәрләре бердәм рәвештә авылны яшелләндерүгә һәм чистартуга үз өлешләрен керттеләр.
Язгы чорда авылларны чистарту һәм төзекләндерү аеруча мөһим урын алып тора. Агачларны агарту — ул матурлык кына түгел, ә табигатьне һәм үсемлекләрне корткычлардан саклау чарасы да булып тора.
Теләнче-Тамак авылыгың мәдәният йорты һәм китапханә хезмәткәрләре, администрация вәкилләре белән бергә, авылның чисталыгы һәм бизәлеше өчен эшләделәр.
Акциядә катнашучыларның тырышлыгы нәтиҗәсендә авыл тагын да күркәмрәк һәм яктырак төс алды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев