Республикада бүген урыны белән яшенле яңгыр һәм боз явуы ихтимал.
Көнбатыштан, көньяк-көнбатыштан исүче җил тизлеге урыны белән секундына 15 – 20 метрга кадәр җитәргә мөмкин. Кайсыбер районнарда җил тизлеге секундына 24 метрга кадәр көчәю фаразлана. Һава температурасы төнлә +17..+22 градус, көндез +25..+30 градус булыр дип көтелә.
5 июльдә республикада алмашынучан болытлы һава торышы булачак. Урыны белән кыска вакытлы яшенле яңгыр көтелә. Яшенле яңгыр вакытында җил тизлеге секундына 15 – 20 метрга кадәр көчәю ихтимал. Төнлә +13..+18 градус, көндез +26..+31 градус булыр, дип фаразлый синоптиклар.
6 июльдә дә урыны белән яңгырлар көтелә. Яңгыр вакытында җил секундына 15 – 20 метрга кадәр булачак. Төнлә +12..+17 градус, көндез +25..+30 градус булуы көтелә.
Нет комментариев