Татарстанда томан һәм көчле җил көтелә

Бүген һәм иртәгә Татарстанда һава шартларының начараюы көтелә. Бу хакта ТР Гидрометеорология үзәге хәбәр итә.

Дүшәмбе көндез, 24 ноябрьдә, республика территориясендә урыны белән элек төшкән томан сакланачак.

Сишәмбе, 25 ноябрьдә, төбәк территориясендә, Казанны да кертеп, урыны белән төнлә һәм иртән яңадан томан барлыкка килә.

Моннан тыш, төнлә дә, көндез дә тизлеге 15-17 м/с (ТР башкаласында – 15 м/с) кадәр көчле җил исәчәк. Бофорт шкаласы буенча тизлеге 13,9 дан 17,1 м/с ка кадәр булган җил көчле дип атала.