Тамчыдан күл җыела

admin, 13 декабрь 2021 - 14:23

852

Районда "Игелек кыл" хәйрия марафоны узды. Быел ул дүртенче тапкыр оештырылды.

Шушы көннәрдә башкалар кайгысына битараф калмый торган, сизгер күңелле, шәфкатьле кешеләр “Энергетик” мәдәният йортына җыелды. Максатлары бер – авыр тормыш сынавы кичергән, язмыш тарафыннан рәнҗетелгән, бәхетсезлеккә юлыгып, сәламәтлекләрен югалткан райондашларга ярдәм кулы сузу булды.

Марафон барышында хәйриячеләр ярдәме белән барлыгы 2 миллион 800 мең сумнан артык акча җыелды. Әлеге акчалар 2022 елда ярдәмгә мохтаҗ булган физик мөмкинлекләре чикле кешеләрнең авыр хәлен җиңеләйтергә тотылачак. Махсус комиссия утырышы hәр мөрәҗәгать буенча карар кабул итәчәк.