22 июньдә Татарстанда яңгырлы һәм җилле һава торышы көтелә.
Синоптиклар фаразлавынча, төнге сәгатьләрдә республиканың кайбер районнарында бераз яңгыр явачак, ә көньяк-көнчыгышта көчле яңгырлар күзәтелергә мөмкин. Көндез дә явым-төшем туктамаячак: урыны белән көчле, яшенле яңгырлар көтелә. Аерым районнарда боз явуы да ихтимал.
Җил төньяк-көнбатыштан секундына 6-11 метр тизлектә исәчәк. Көндез аның тизлеге урыны белән секундына 15-20 метрга кадәр көчәергә мөмкин.
Һава температурасы төнлә +11..+16 градус, көндез +18..+23 градус тәшкил итәчәк.
Нет комментариев