22 ноябрь, якшәмбе көнне, Татарстанда болытлы һава торышы көтелә. Төнлә урыны белән бераз яңгыр явачак, көндез дә кайбер районнарда явым-төшемнәр күзәтеләчәк. Бу хакта Татарстан Гидрометеорология үзәге хәбәр итә.
Төнлә һәм иртән кайбер районнарда томан төшүе ихтимал. Көньяктан, көньяк-көнбатыштан искән җилнең тизлеге секундына 6–11 метр тәшкил итәчәк. Иртән һәм көндез урыны белән җилнең тизлеге секундына 14 метрга кадәр җитәргә мөмкин.
Төнлә һава температурасы +1…+4 градус, көндез +3…+7 градус булачак.
Нет комментариев