Штрафлар салынды

admin, 27 май 2021 - 09:15

593

Территорияләрне төзек-ләндерү һәм санитар чистарту икеайлыгы кысаларында авылларда урамнарның торышы, санитар-экологик чисталык тикшерелеп торды. Тикшерүләр барышында төрле дәрәҗәдә закон бозу очраклары ачыкланды һәм районда яшәүчеләргә карата бүгенге көнгә 70 административ беркетмә төзелде.

Капка төпләрендә ком-таш өемнәре, кирпеч һәм башка төрле төзелеш материаллары тотучы, йорт тирәсен чүп-чардан, корыган үләннәрдән чистартмаучы, шул рәвешле җирлекнең санитар-экологик торышына зыян салучы гражданнар административ комиссия утырышында кисәтелде, бу мәсьәлә буенча 41 эш каралды. Санитар-экологик нормаларны үтәмәүчеләргә штрафлар салынды. Авылларның чисталыгы икеайлык барышында гына түгел, һәрдаим контрольдә тотылачак.