Сәбәп – каминның төзексезлеге

admin, 28 апрель 2021 - 12:50

762

Кече Шилнә авыл җирлеге территориясендә урнашкан «Шале» кафесында янгын чыгуның сәбәбе бина эчендәге каминның төзексезлегендә дип билгеләделәр күзәтчелек эшчәнлегенең район бүлеге хезмәткәрләре.

Ут чыкканда залда кешеләр дә була. Сигнализация эшли башлауга аларны чыгаралар. Камин өстеннән чыккан төтенне сак хезмәткәре күреп ала. Кафеда эшләүчеләр утны башта үзләре генә сүндермәкче булалар. Көчләре җитмәсен аңлагач, 112 хезмәтенә шалтыраталар. Ут чыгу нәтиҗәсендә кафе түбәсенең 60 квадрат метр мәйданы яна, кешеләргә зыян килми.
24 апрель көнне Куаклы авылында янгын турында хәбәр килә. Биредә хуҗалык кирәк-яраклары блогы яна. Янгын аркасында блокның 12 квадрат метрына зыян килә. Ут чыгуның сәбәбе хуҗаларның саксызлыгы дип билгеләнә.