Сайлауларда күрсәткән ышанычыгыз өчен рәхмәт

РФ Федераль Җыены Дәүләт Думасы депутаты Әлфия Когогина тукайлыларга 18 сентябрь көнне узган сайлауларда күрсәткән ышанычлары өчен рәхмәтен белдереп, телеграмма юллады. Анда мондый юллар бар:

- 18 сентябрьдә сайлауларга килүегез, Дәүләт Думасының яңа составы өчен тавыш бирүегез өчен рәхмәтемне белдерәм. «Бердәм Россия» партиясе һәм шәхсән минем үзем өчен тавыш биргәннәргә аерым рәхмәтләремне җиткерәм. Сезнең ышаныч - минем өчен зур җаваплылык. Сайлауда җиңү - ул әле финал түгел, үтә җаваплы, зур юлның башы гына. Очрашуларда сайлаучылар безнең алга куйган зур бурычларны тормышка ашырасы, бөтен мөмкинлекләрне файдаланып, әле зур эшләр эшлисе бар.