«Шәһри Казан» газетасының баш мөхәррире Радик Сабиров вафат булды

Журналистика өлкәсендә озак еллар нәтиҗәле хезмәт куйган Радик Сабировның вакытсыз арадан китүе хезмәттәшләре һәм якыннары өчен зур югалту булды. «Татмедиа» җитәкчелеге мәрхүмнең туганнарының, дусларының һәм хезмәттәшләренең кайгысын уртаклаша», — дип җиткерде Шамил Садыйков. 

Радик Сабиров белән хушлашу чарасы бүген сәгать 11:00дә Казанда, «Татмедиа» бинасында (Декабристлар ур., 2) узачак. 

Радик Сабиров 1979 елда Татарстанның Аксубай районында дөньяга килгән. Казан дәүләт университетында белем алган, филология фәннәре кандидаты дәрәҗәсенә ирешкән. Хезмәт юлын ул төрле матбугат чараларында дәвам итә: «Безнең спорт» газетасында, «Мәгариф» журналында һәм «Интертат» басмасында эшли. 2014 елдан башлап «Идел» журналын җитәкли, ә 2019 елның июненнән «Шәһри Казан» газетасының баш мөхәррире вазифасын башкара. 

Радик Сабировның туганнарының, якыннарының һәм хезмәттәшләренең авыр кайгысын уртаклашабыз, тирән кайгыбызны белдерәбез.