Райондашларыбыз – социаль проектлар җиңүчеләре

Казан шәһәренең «Пирамида» үзәгендә ААҖ «РИТЭК» һәм «Лукойл» хәйрия фонды оештырган социаль һәм мәдәни проектлар бәйгесе җиңүчеләрен бүләкләү тантанасы үтте.

Кнәз авыл җирлеге һәм «Шәфкать» халыкка социаль хезмәт күрсәтү үзәге белгече Светлана Петрова бәйгегә уртак проектларын тәкъдим иттеләр. «Экология» номинациясендә райондашларыбыз «Галәмдә синең дә эзең бар!» («Твой след на Земле!») проекты белән җиңү яуладылар. Әлеге проект Сосновый Бор поселогында урнашкан (Тукай һәм Минзәлә районнары белән чиктәш) чишмәне төзекләндерүгә юнәлдерелгән иде.