Районда гадәттән тыш хәлләргә әзерлек буенча махсус дәресләр үтте

Эвакуацияләнгән кешеләр белән тулы эшелон иртәнге сәгать 8:30 «килеп җитте». «Эвакуацияләнгән халык»ны билгеләнгән урынга алып китү өчен үз транспортлары белән барлык авыл җирлекләре башлыклары җыелды. Күрсәтмә такталарга карап, колонна Наил Гәрәев белән берлектә, Биклән авылы мәктәбенә китте. Хисап төркеме җитәкчеләре, җәмәгать тәртибен саклау өчен җаваплыны җибәрү һәм озатып бару төркемнәре, ана һәм бала бүлмәсе, медицина пункты мөдирләре, белешмәләр бирү өстәле өчен җаваплы хезмәтләр алдан расланган схема буенча эш итте, сигналлар эшләде, документациядә күрсәтелде. Наил Гәрәевка гражданнар оборонасы буенча чараларга әзерлек тулысынча күрсәтелде. Мондый чара Мусабай-Завод авылында да үткәрелде.

- Хәзерге вакытта гражданнар оборонасы - сугыш, шулай ук табигать һәм техноген характердагы гадәттән тыш хәлләрдә халыкны саклау яки саклауга әзерләнү буенча чаралар. Катастрофаларга каршы тору, зыянын бетерү һәм теге яки бу гадәттән тыш хәл килеп чыкканда үзеңне ничек тотарга кирәклеге хакында халык арасында аңлату эшләре алып бару бик мөһим. Без теләсә нинди гадәттән тыш хәлгә әзер булырга һәм эвакуацияләнгән кешеләргә ярдәм күрсәтергә әзер булырга тиеш, - диде безгә Биклән авылының мәктәп директоры Айрат Ибраһимов.

Сүз уңаеннан, 12-13 октябрь көннәрендә гражданлык оборонасы буенча гадәттән тыш хәлләрне кисәтү һәм юкка чыгару буенча авыл җирлекләрендә күнегүләре узачак.

P.S. Шушы көннәрдә «Шәфкать» халыкка социаль хезмәт күрсәтү үзәгенең хуҗалык өлеше буенча мөдире Ольга Мифтахова үзәк хезмәткәрләре өчен террорчылык куркынычсызлыгына әзерлек буенча күнегүләр уздырды. «Үзәкнең хәрбер хезмәткәре террорчылык булу мөмкинлеге турындагы сигналны ишетүгә югалып калмады, тиешлене үтәде», - дип хәбәр итәләр «Шәфкать» үзәгеннән. Шулай ук «Террорчылык акты вакытында үз-үзеңне тоту кагыйдәләре» турында хезмәткәрләргә видеоролик һәм презентация дә күрсәтелде.