Районга «Түбән Кама» милли паркы юлларыннан чикле рәвештә файдалану хокукы бирелде

РФ Табигать ресурслары һәм экология министрлыгы рөхсәтен алганнан соң, Кече Шилнә авыл җирлегенең «Түбән Кама» милли паркы чикләрендә урнашкан җирле пунктларына илтүче автомобиль юлларыннан файдалануга сервитут куелуы, ягъни район Башкарма комитетына җир участогыннан чикле рәвештә файдалану хокукы бирелүе турында килешү төзелде. Сервитут турындагы күптән көтелгән әлеге килешүгә Башкарма комитет җитәкчесе Рәсим Асылгәрәев үз имзасын куеп, бүген аны «Түбән Кама» милли паркы директоры Айрат Имамовка юллады. Искә төшереп үтәбез, бу эшне Башкарма комитет 2013 елдан алып барды.