Прокурор медицина хезмәткәрләре белән очрашты

Коррупциягә каршы көрәш көне кысаларында район прокуроры Айрат Галимәрдәнов узган атнада үзәк больницада медицина хезмәткәрләре белән очрашты. Чарага 80нән артык кеше җыелган иде. Прокурор районда быел теркәлгән коррупция төрләре турында сөйләде, ришвәт алу гына түгел, аны бирү дә җинаять җаваплылыгына кадәр барып җитәргә мөмкинлеген искәртте. Табиблар Айрат Галимәрдәновның чыгышыннан соң үзләрен борчыган сорауларны да бирделәр.

Прокуратура хезмәткәрләре катнашындагы мондый очрашулар коррупциягә каршы көрәш көне кысаларында районның башка оешма-предприятиеләрендә дә үтте.