Приз Иске Абдулда калды

Шушы көннәрдә Иске Абдулда милли көрәш буенча атаклы көрәшче Раббани Шәрипов призына ачык турнир үтте. Анда районыбыз яшь спортчылары Чаллыдан, Әгерҗе, Минзәлә районыннан килгән көндәшләре белән көч сынашты. 10 үлчәү категориясендәге киеренке бәйгедә Иске Абдул командасы - беренче, теләнчетамаклылар - икенче, бикләнлеләр өченче урынга лаек булды. Шулай итеп, Раббани Шәрипов призы икенче ел рәттән Иске Абдулда калды, дип хәбәр итә район яшүсмерләр клубы директоры Тәнзил Хәмәдиев.