Отпускка китмәдең - компенсация ал

Кагыйдә буларак, Татарстанда хезмәткәрләр календарь ел дәвамында 28 көнгә ялга китә ала. Аерым очракларда еллык түләүле отпускның озынлыгы күбрәк булырга мөмкин. Файдаланылмаган отпуск булган очракта хезмәткәргә нинди компенсация каралган, шулай ук мондый түләүне кем алырга хокуклы түгел – «Татар-информ» материалында.

Эшчегә 28 көнлек ял бирелгән. Өстәвенә, ялларның берсе 14 көннән дә ким булмаска тиеш, ә калган өлешен кеше үзе теләгәнчә бүләргә хокуклы. Әгәр дә хезмәткәрнең ел узганнан соң файдаланылмаган ял көннәре калса, аны аңа киләсе елга күчерергә яки компенсация түләргә мөмкиннәр.

Компенсацияне хезмәткәр эштән киткәндә ала, әгәр аның файдаланылмаган ял көннәре калган булса, чөнки киләчәктә ул отпускка китә алмаячак. Моннан тыш, файдаланылмаган ялны түләү белән отпуск көннәре  28 көннән артып киткән хезмәткәр алыштыра ала, мәсәлән, ул берничә ел дәвамында тиешле 28 көн ялын алмаган булса. Шулай ук файдаланылмаган ял көннәренең азрак санын да компенсацияләргә мөмкиннәр, әмма бу мәсьәлә эш бирүче белән килешү буенча хәл ителә.

Йөкле хатыннарга, балигъ булмаган хезмәткәрләргә, шулай ук зарарлы яки куркыныч хезмәт шартлары булган предприятиеләрдә эшләүчеләргә файдаланылмаган отпускны түләү белән алмаштырырга ярамый.