Олы Шилнә авылында яшәүчене урам мәчесе тешләгән

Яңа 2016 елның беренче 10 көне эчендә районда ОРВИ белән чирләүнең 33 очрагы теркәлгән, шулар арасыннан 30ы - балалар. Район буенча Роспотребнадзор территориаль бүлегенең баш белгече-эксперты Рәйханә Марченко хәбәр итүенчә, эчәк инфекциясе 6 кешедә табылган.

Олы Шилнә авылында торучы өлкән кешене урам мәчесе тешләгән. Зыян күрүчегә медицина ярдәме күрсәтелгән. Иске Дөреш авылыннан бер өлкән кешенең гепатит С вирусы белән авыруы ачыкланган. Суровка авылыннан 2 бала һәм «Татарстан» совхозы поселогыннан бер бала коклюш чире йоктырган, Круглое Поле поселогындагы балалар бакчасына йөрүче 2 бала скарлатина белән чирләгән.