Өлкәннәр ункөнлегендә хөрмәт белән

«Өлкәннәр ункөнлеге» кысаларында Иске Дөреш мәдәният йорты, җирле үзидарә, Ветераннар советы һәм авыл китапханәсенең инициативасы белән Октябрь Бүләк һәм Таулы Дөреш авылларының өлкән яшьтәгеләре өчен хөрмәт чарасы оештырылды.

Олы буын вәкилләре җылы, дулкынлы атмосферада чәй табыны артында кунак булдылар. Аларның хөрмәтенә концерт номерлары күрсәтелде. Чарада катнашучылар олы буынга булган мәхәббәт һәм хөрмәтне җиткерде. чәй табыны артында матур әңгәмәләр, истләлекле хатирәләр барланды.